айа

10 جانفي 2026

ناس لي راهم يقولو مزال مبديناش و رانا خايفن منلحقوش ابداو :) جصت ابداو دايمن ديرو هذيك الخطوة لولة ، راكم تضيعو فالوقت و نتوما خايفين عوض تنوض ذوك و تبدا تقرا مام راكم رح تبداو م 0 ابداو ! بقا 5 شهر تكفي و توفي كاين بزاف قراو شرين و جابو الباك تعهم عندكم 5 شهر تقدرو تجيبو معدلات ممتازة اتخيلو بعيد شر اليوم نهار الريزيلتا و خرجتلك راسب ! مش تتمناو يولي بيكم زمان على الأقل شهرين للور تقراو فيهم و تغيرو النتيجة؟ اتخيلو بلي فهذيك اللحظة راه ولا بيكم زمان و راكم فهاذ الوقت و راهي ولات عندكم فرصة باش تغيرو النتيجة رح تعاودو تضيعوها و تبقاو تقولو بالاك منلحقوش؟ و نتوما مبديتوش اصلا؟ فهاذ الوقت بذات كون تخصص نص ساعة تحط فيها كامل البروغرام تاعك تاع القراية و تبدا بالمواد الاساسية من الدروسة لولة كامل ولا لابغا بالمكتسبات القبلية و تفورصي على روحك باش تولي منضبط و تقرا كل يوم باذن الله 5 شهر تكفيك باش تكمل البروغرام و تجيب الباك تاعك بمعدلات ممتازة ! جصت أبدا و متاجلش و ملخر لي يقول خلي غدوا و نبدا مش رح تبدا و الوقت رح يضيع كثر و عقلك رح يوالف تاجيل now or never "" بصح كون تنوض ذوك و تصادف عقلك 😂 رح يوالف القراية و تولي تقرا يوميا ! good luck