𝑀𝒶𝓁𝒶𝓀 ♡

25 أوت 2025

Hiii💙 خاوتي شفت بزاف داروا منشورات تاع جرعة امل حبيت انا تاني نشارك معاكم تجربتي انا طالبة تحصلة على الباكلوريا بمعدل 17.88 العام لي فات والله ما كنت ممتازة خاوتي كنت تلميذة متوسطة مدلاتي كانت 11 الى 12 بصح عام الباكلوريا كان عام مختلف بالنسبة ليا والشيئ لي خلاني نتبدل كانت ماما مريضة وظروف راكم تعرفوا يعني صح شعلت في قلبي نار وديسيديت ندي معدل خارق والحمد لله ربي مخيبنيش ودوك نقوللكم منين وكيفاه قريت وعلواه إعتمدت وراح نحطلكم كلش مجاني يعني واحد ما يدير سبة ويقول معنديش ولا منقدرش نبدأ اولا بمادة الفيزياء اللي كانت صح هاجس ولكن تبعت في يوتيوب مع الأستاذ عبد وحليت يا خاوتي كامل الباكلوريات من 2008 واطلع واحد ما يقوللكم ابداو من 2018 لالا ابداو من قبل الميلاد ومعرف ههههههههه بالنسبة للكتب كتاب شنايت عز الدسن تأشيرة النجاح ممتاز دوك نحطلكم قناتوا في تعليق مادة الرياضيات كانت تبانلي معقدة ولكن إكتشفت بلي كان خاصنا لي يوصلنا المعلومة بطريقة صحيحة برك بعد ما لقيت أستاذة تشرح دروس بطريقة ممتازة في تلغرام في قناتها وزيد مجانا (دوك نحطلكم القناة في تعليق ولا ابعتولي بريفي نمدهالكم ) ولات رياضيات تبانلي ساهلة ماء وطبعا بعد ما فهمتها وتوضحتلي الصورة نفس الشيئ حليت الباكلوريات من 2008 واطلع حلوهم بكل بدون إستثناء وإذا قدرتوا زيدوا تاع شعب لوخرين العلوم خاوتي استاذ طلحي داير فيديوات في يوتيوب روعة تبعوهم بكل كل وحدة وحدها وديروا ملخص وحلوا سوجيات تاني من قبل الميلاد وارواح هههه وباقي المواد الأدبية باينة احفظوا برك ملاحظة 1~هامة حلوا السوجيااات في كامل المواد 2~لي ملقاش القنوات لي حطيت يبعتلي بريفي نمدهملوا 3~ خاوتي من يريد يستطيع لا شيئ مستحيل مش لازم حتى تمرض ماماك بش تفرحها نوضوا انفضوا الغبار على رواحكم واقراو وإجتهدوا عام ويفوت 💗 للأمانة منقولة الاستفادة 💖