Alaa

3 جانفي 2026

هذي رسالة لصحاب الباك قراوها مليح العطلة راهي فاتت و كاين لي عرف يستغلها و يتقدم و يعالج التأخر نتاعه و كاين لي لحد الآن مزال يأجل و يقول غدا نبدا مزال عندي وقت شفتو الوقت كيفاش راهو يجري رانا دخلنا جانفي دروك أي واحد عنده باك و مزاله يتمسخر و يلعب و يقول غدا نبدا سيريو و الله و شوفو و تبقاو في حلقة التأجيل مراح ديرو والو صايي خصك دير قرار مع روحك أنا وقت لي راني ضيعته وش استفاديت وش ربحت باينة مربحت والو لقيت روحك في بلاصة لي كنت فيها و كاين لي فطن مع روحه و بدا يقرا و كل يوم راه يتغير للأفضل خير من نهار لي من قبل سما دروك قرار راه عندك يا تبقا تأجل و تشكي راني روطار منيش قاري يا تفطن مع روحك و تنوض و تبدا تقرا دروك و الله سمعوني هذا هو الوقت لي تبدا فيه سيريو حتى و مكنتش قاري من قبل و الله و تبدا نيشال و الله توصل و تدي معدل عالي نرمال مزال باقيلكم 5 أشهر و الله تقراو كلش و يكفيكم الوقت برك متبقاوش تأجلو شفتو تأجيل وش دار ليكم خلاكم في نفس بلاصة نتاعكم صايي هذا هو الوقت باش تفطن و باش تبدا تقرا سيريو و ترمي عليك هذاك تلفون لي راه مضيعلك وقتك و تنحي اي حاجة راهي متخليكش تقرا صايي أنا عندي قرايتي أولى من كلش خصني نقرا اي حاجة مراح تفديني نوضو فطنو و الله وقت يجري شويا و نلقاو رمضان جا و من بعد صايي تلقا عام خلاص و تحكمكم هذيك ندامة تولي تقول لوكان غير قريت