BAC with 19

9 فيفري 2026

هل الاستمرارية حقا سبب في حصولي على 20 في العلوم ؟؟؟ . بشكل كبير نعم السلام عليكم ورحمة الله ، أنا متحصلة على 15 في العلوم فالباك 2022 و العلامة الكاملة في دورة 2023 بفضل الله أولا كنت خايفة جدا من فكرة أنو العلوم هي المادة لي هبطتلي المعدل لكنني قررت نسعی و نخدم عليها فقررت ندير تحدي من ديسمبر إلا غاية آخر يوم قبل البكالوريا بحيث نقرا العلوم بشكل يومي و لكن مشي بنفس الوتيرة وكتاه مكان عندي وقت خدمت على تمارين مسعى علمي و خذيت وقت فالمراجعات و حضور دورات و غيرها لكن في الوقت لينكون فيه جد مشغولة أكتفي بحل تمرین شفهيا أو جزء فقط أو مراجعة الملخص..... و صراحة حسيت بلي تطور المستوى تاعي جدا في الاجابة و المنهجية في أول شهر و الحمد لله بالاستمرار بقيت نتعرف على تمارين جدد و نكتسب المنهجية و نتعلم طريقة الاجابة الصحيحة و سبحان الله كنت نخمم بلي نقدر نلحق ل 18 أو 19 لكن 20 فرحة عظيمة وورزق من عند الله