سيلينا ||🌵𝓢𝓔𝓘𝓔𝓝𝓪

2 أفريل 2026

⛔شهرين قبل الباك ، بدون لف و دوران واش الحجات لي تنصحني نديرهم : ⭐️ - حدد المصادر النهائية لي رح تقرا منهم ، سواء المصادر لي ساعدوك خلال السنة . 🌟 - تدريجيا ابدا تنقص وقت استعمالك للهاتف ، الهاتف هو المشكل و السبب الأول للتشتت ( اذا شفت نفسك مش قادر تتحكم في نفسك احذف التطبيقات لي تضيعلك وقتك او استعمل App Block ) اي حاجة تشتتك اعتزلها ، يالوكان هادي القناة ، دوك بقالك اسابيع معدودة مادابيك تستغلهم مليح ماشي نص وقتك يضطع في جروبات و قنوات التيليجرام . ⭐️ - المحيط لي راك تقرا فيه ، رتبوا نظموا نظفوا افرزوا … ماشي ليلة الباك تبقى تحرس على ملخص الشعر الاجتماعي تاع الاستاذ الفلاني … تسما نظم كامل الملفات و الاوراق لي عندك ، ارمي وش ما تحتاجش و احتفظ بالمهم . 🌟 - ننصحكم تطلعوا على سلاسل عقبة بن نافع ، شوفوا اصدقائي التمارين لي عندهم بزاف هايلين بدون مبالغة سورتو في العلوم … اطلعوا عليهم و شوفوا الافكا لي راهي تدور لانوا افكارهم بزاف بزاف مشابهة لواش رح يجي في الباك . 🌟- حذاري من الاشاعات، دوك يبداو الصفحات و اشباه الاساتذة : هذا يطيح في الباك هذا لالا ، التركيب الضوئي مافيهاش ، الشعر السياسي مايجيش حبسوا دروس الاسلامية في الربا ، المقالات لي رح تكون في الباك هي … و و و و ⭐️- لي حصل في اي حاجة او واجه مشكلة في التنظيم او التخطيط و لا ماعرفش يقسم واش يدير في نهارو يكتب في التعليقات و نحاولوا نعاونوا بعضانا