BAC Students
لسلام عليكم إخوتي في الله، أعلم أني تأخرت عليكم في تنزيل الإختبارات "آسفة على التقصير"، أريد أن أوجه إليكم رسالة بمناسبة هذه الإختبارات و سأكتبها بلغتنا العامية ليصيب سهمها الهدف مباشرة و بسهولة:" شوفو خوتي علابالي هادي سمانة تاع إختبارات جازت صعيبة بزاف على بزاف ناس و صراتلكم ضغوطات كبيرة و حسيتو رواحكم ماحاكمين والو و ماخدمتوش مليح و تراكمت عليكم الدروس و الحفاظة و التمارين، حسيتو بالخذلان و خيبات الأمل تجاه نفوسكم باسك مادرتوش لي عليكم فهاد الإختبارات و ماباقيش على الباك و ماراكم حاكمين والو، بكيتو، حزنتو، ختانقتو، و ماعرفتوش لمن تفضفضو، و حتى الوقت "فات يجري عليكم"، ما قدكمش و ما ساعدكمش، إيه حسيتو رواحكم في" دوامة إعصار لا نهاية لها"، وقلتو في نفوسكم "بهاد المستوى ماغاديش نلحقو للباك"، 🌷بصح نقولكم على حاجة، أولا هادا هو الفصل الأول أطول فصل و شفناه بلي جاز بلخف و مليء بالضغوطات و تكثف الدروس و حتا واحد ما يلحق يكمل و حتى و إن فعل يحس روحو ماراهش حاكم كلش، ثانيا هاد الإختبارات هي تقويم لما درس بالفصل و لكن بشكل مكثف و ماننساوش بلي الأساتذة نتاع الثانويات هوما لي يديرو الموضوع لتلاميذهم يعني يحبو يوريولهم ضغط ما قبل البكالوريا باش التلميذ مايتصدمش يوم الإمتحان الحقيقي، ثالثا مواضيع البكالوريا تحمل تمارين من مختلف الوحدات المدروسة في العام يعني تتوسع دائرة البحث و لذلك مايصعبوش التمارين بزاف و كي يعطوك موضوع من 4صفحات راه فيه 3سوايع مشي كيما فالإختبارات 2سوايع، و لذلك راني نقولكم يا إخوتي ما تتقلقوش من نتائجكم هاد الفصل علابالي بلي بزاف كانو يقارعو هاد الفصل كفرصة لإثبات فعالية الدروس الخصوصية و يورو للآباء نتاعهم مجهوداتهم (هناك بعض الآباء المتفهمين لكن هناك من يضغطون على أبنائهم دون أن يدركوا ذلك و ما سينجم عنه) و لكن هذا لا يعني أن تستسلموا لا بالعكس" اشحذوا الهمة و انطلقوا من جديد"، شخصيا ننصحكم انكم تغتانمو هاد الاسبوع مع أول أسبوع من العطلة في تدارك الدروس الفائتة و ضبط أفكارها مع حل أكبر قدر من التمارين مع التمعن في أفكارها أما الأسبوع الثاني من العطلة أبداو فدروس الفصل الثاني و انطلقوا على بركة الله، و أول شيء نأكد عليه الصلاة فـــــــــــــــي وقتها و 🌷رضـــــــا الوالديــــــــن قبل كل شــــــــــيء🌷 🌸 بالتوفيق ان شاء الله 🌸 🌺جعل الله من نصيبنا النجاح أجمعين بمعدلات مشرفة🌺قولوا آمين🌺🌼خذوا بالأسباب و توكلوا على الله فإنه خير وكيل🌼🌺