❄𝑬𝒊𝒍𝒆𝒆𝒏❄

24 فيفري 2026

🌸كيفاش نجيب 20 في مادة الرياضيات : 1️⃣ مادة الرياضيات تدي فيها 20 عادي خصوصا كي تقراها من لول وتقراها بالطريقة الصحيحة، هي مادة تعتمد 95% على الفهم و5% على الحفظ يعني حط في بالك أول شيء لازم تقراها في وقت لي تكون مركز فيه مليييييح، تقدر تقراها في الليل ولا الصباح كي تكون vraiment ناشط، تسما لوكان تكون ماكش مركز غير ماتقراش رياضيات لأنو ماكش راح تستفاد وتضيع وقت مادة اخرى👍🏻 2️⃣ فهم الدرس والقوانين، الدرس في الرياضيات راح يكون بسيط جدا يعني مافيهش حاجة كبيرة لكن لازم تكون فاهموا مليح خواص والاساسيات كل سؤال😘 3️⃣ لازم تحفظ القوانين والمفاهيم، يعني ماتصلحش زعما تبدا تحل التمارين ونتا ماكش حافظهم، حاول تحفظهم ويكون علابالك بيهم + كي تبدا تحل التمارين في البداية حط قدامك ورقة فيها أهم القوانين باه ترجعلهم كي تنساهم كيما خواص دوال الاسية واللوغارتمية و تاع عمليات على دوال اصلية قوانين تكامل وحساب مساحات قوانين برهان متتالية حسابي وهندسية حساب حدود...😍 4️⃣ حل!!! طبق!!! بزاف تلاميذ يديرو الغلطة تع يتبعوا الشرح تع الأستاذ وتبالهم فاهمين مي كي يبداو يحلوا التمارين يلقاو رواحهم حابسين، لأنو ماكانوش يحلوا من قبل، لذلك حلوا التمارين بزاف واعتمد على روحك مشي تشوف بروف يشرح وتبقا غير تكتب هذي طريقة ديرها خطرة زوج مشي عام كامل😒 5️⃣ ملاحظات إضافية : • كي تبداو وحدة معينة، مثلا الدوال، راكم ماتقدروش تحلوا تمارين شاملة، فبالتالي حاولوا تحلوا تطبيقات بسيطة على وين وصلتوا مثلا مشتقة تحل تطبيقات كافية نهايات ... ومبعد كي تكملوا حلوا تمارين شاملة • مع مرور الأيام، وتفوتو من وحدة لوحدة، أبقاو حافظوا على مكتسباتكم، يعني كي تدخلوا للمتتاليات، أبقاو حلوا تمارين الدوال، وكي تدخلوا الإحتمالات أبقاو تحلوا تمارين للوحدات السابقة باه ماتنساوهمش😍😍 6️⃣ تحديد مصادر دراسية كي تخير مصدرين على اقل خير واحد تفهم عليه دروس واحد تحل عليه تمارين ومشي استاذ لي فهم عليه صاحبك تفهم عليه نتا وتقول يفهم جرب وجرب ولي لقيتو يلحقلك معلومة كمل معاه ✅ تمارين: مجلات قويسم خليل⬅️ مجلات مرنيز وليد ⬅️ميزان نور الدين⬅️بكالوريات ⁉️ مشي لازم تحل مجلة كاملة راح تدي تمرين لي فيه افكار فقط ونوع من افكار وتدرج في صعوبات متبقاش ساهل ساهل ونهار يحطلك لباك تتغاشا😁😁 ⭐️وهكذا كانت حلقة 01 من سلسلة كيفاش نجيب 20