arwa belkacemi

1 أفريل 2026

دراسة لساعات طويلة • عليك أن تعود عقلك بفكرة الدراسة شيئ أساسي بعد صلاة و صحة طبعاً و أن دراسة لمدة صويلة لن تجلب نهايتك بما يعني تنحي من رأسك أفكار تاع "بزاف عليا و منقدرش و صعيبة" عقلك كي تبدايلو ب حافز سلبي راح قبل متبداو تعجزو لازم تخدعوه كيفاه؟ •أن تبداو بحافز أيجابي "هاذ مادة ساهلة" مام تكون صعيبة بنسبة ليكم •تقولو نقرا 15 دقيقة برك و إذا عيت نحبس تلقى روحك راك مكمل و مكرهتش كيما مرات سابقة لي حاولت تقرا فيهم سما ماشي تقول لعقلك ليوم نقرا 8 سوايع و نت أصلا جامي قريت 4 سوايع على بعضم اي متواصلة • أقراو بطريقة بومودورو 25دقيقة دراسة 5دقائق راحة سييو في هذوك خمس دقائق متهزوش تلفون ديرو اي حاجة إلا تلفون و سكرول و مع لوقت تقدرو فيها بعد تعود على 25/5 وحدكم توليو تزيدو فيها مثل 40دقيقة 10 دقائق راحة •صدقوني غير كلو متعلق بالجانب نفسي •و زاد حنا جيل تعودنا على دوبامين مزيف من ريلزات و حب النتائج السريعة •ولانا صبر و نفس طويل حاجة بزاف صعيبة •بصح هي قضية تعود لا أكثر راح جيك شوية ثيلة في 3 أيام الأولى فقط ملاحظة مهمة : • إياكم أن تدرسوا يوم بيوم تاع اليوم تلتازم و ليوم لي بعدو تعود إلى سكرول لأنك كل ما تعود إليكه فإنك تعود إلى نقطة الصفر • مفتاح راه فل إستمرارية م و محاولت التطور يوم بعد يوم و إذا فأحد أيام مرضت ولا كنت كاره حاول تبقى بنفس لمستوى برك مثلا قريت لبارح 3ساعات أقرا 3ساعات المهم متنقصش يعني إذا مطورتش لسبب ما حافظ على نفس مستوى متتراجعش و المهم هي الإستمرارية و هذي جي بقتل أفكار لي ضد دراسة كيما هدرنا و أن دراسة من أولويات اي لازم تدرس كل يوم باش تقدر تلحق لساعات الطويلة • حبيتكم تفهمو بلي دراسة لساعات طويلة راهي نتيجة هل تقدر توصل لنتيجة بدون محاولة و سلك طريق معين ؟ طبعاً لا! و تذكرو دائما أن سعي علينا لكن النتائج فهي من عند الله و الله لا يضيع أجر المحسنين اي إسعى و حاول و لا تأكل هم النتائج دعاواتكم لي معكم إن أفدتكم و سلام الله عليكم 🥰🫶🏼✨ أتمنى النجاح للجميع