BAC Students
جماعة الباك 2026 : نصيحة لي راه باغي يجيب معدل ممتاز في جميع المواد كاين طريقة وحدة لي تدي بيها 18 19 في أي مادة بإذن الله _ أولا لازم تكون تفهم غايا قبل ما تحفظ متحفظش غير هاك و كي تبغي تحفظ تلخص دروس بالكتبة متشريش ملخصات واجدين لأن الكتابة ترسخ لمعلومة فالذهن _ ثانيا كي تكملو فصل لول مثلا في هديك 15 يوم ريحو شوية و من بعد ستغل هداك لوقت باش تتدارك نقائص تاوعك و لمواد لي راك مليح فيهم زيد حل عليهم سوجيات لي درتوهم ( فروض ،إختبارات ) _ ثالثا خطيكم مل دروس خصوصية بسكو لحاجة لولة غاليين و في عوض ما تقرا مادة فالشهر تخلص عليها 300 ألف ولا فليكسي 100 ألف في أوريدو و ستفاد مل عرض تاع يوتيوب إيليميت هكك تقرا ڤاع لمواد مشي غير مادة و تخفف شوية على والديك _ رابعا و أخيرا باش منكثروش لهدرة بزااف حلو أكبرر عدد ممكن تاع سوجيات تاع لي باك بسكو ليباك غير هوما و يتعاودو يبدلو غير طريقة السؤال و الباك والله ما حاجة خوتي غير في دزاير مضخمينه و ڤاع هو يجي على حساب تلميذ متوسط إذا شفت روحك فالعام تدي 10 معدل زيد زير روحك غير شوية و تفائل بلي غدي تدي لباك بسكو يجي سوجي على حساب تلميذ متوسط و ڤاع تقدرو تدو لباك بمعدلات جيدة 14 لفوق غير توكلو على ربي و صلو و دعو ربي و ربي فيه لخير جامي يضيع تعب تاع عبده