❄𝑬𝒊𝒍𝒆𝒆𝒏❄

5 مارس 2026

السلام عليكم يا محاربين 🥹💞 واش راكم؟ علبالي بلي هاد الأيام راهي مخلطة في راسكم. علبالي بلي كاين لي راهو يشوف في الـ 100 يوم هادي جبل، وكاين لي راهو حاس بالذنب لأنه ضيع الوقت، وكاين لي راهو يقرا بصح يحس روحه ناسي كلش. وكاين لي مزال مبداش ويشوف لوقت خلاص واستسلم للامر بحجة عام الجاي نعوض ان شاء الله🥲 اسمعوني مليح.. هذا الشعور (التوتر، الخوف، التيهان) هو أكبر دليل بلي راكم حابين تنجحو. لو كان ما جاكمش هاد الخوف، والقلق بصح مادام راهو فيكم مشاعر ، معناه قلبكم راهو حي ومزالك حاب تنجح متقوليش بقات 100 يوم وش ندير فيها ومقريتش من لول 🙂‍↔️ فترة هذي بالضبط صدقوني سواءا لي بدا من اوت من جويلية من سبتمبر من جانفي من يوم كامل تتعرضو لنفس الضغط وتحسو بتراكم والعجز😔 حاجة مليحة فينا اننا مسلمين قال عزو وجل في كتابه : ﴿إِنَّا لَا نُضِيعُ أَجْرَ مَنْ أَحْسَنَ عَمَلًا﴾ كلمة ﴿أَحْسَنَ عَمَلًا﴾ لا تعني بالضرورة أن تكون "النتائج" كاملة من أول يوم بل تعني أنك حاولت تلحق وتكون سيريو حتى الساعة التي ريحت فيها وأنت "تائه" وتحاول أن تفهم درس جاك صعيب هي "عمل"👍🏻 حتى المقاومة التي تديرها نفسك باش متستسلمش .. هي "إحسان عمل"👍🏻 ربي سبحانو كريم على عبده لطيف به ميشوفش ليك ااذا بديت من لول ونتا تجبد باش تنجح يشوف لقلبك ورغبتك في وصول ويجازيك افضل الجزاء 🥰🥰 وقال ايضا ﴿وَمَن يَتَوَكَّلْ عَلَى اللَّهِ فَهُوَ حَسْبُهُ﴾ اتكل عليه ابدا تقرا مراحش يخيب ظنك ونتا اتكلت عليه مترجع لحتى واحد من غير ربي سبحانو واحد مراح يدي امرك بحمل الجد ادعيو صليو نحي خوف ميهمش وكتاه بديت يهمك انك تكمل وتلحق مشي كل يوم تقول نبدا كل يوم تقول غدوا مبعد تقول خلي توصل 13 ونبدا لالا تفكير هذا مراحش يخرجك شفت شعور لي يجيك انك باغي تقرا ويجيك تأنيب ضمير نوض في ذيك دقيقة حط صوالحك ابدا تقرا متخممش بلي صاي فات لوقت منروحش نقرا ارحم نفسكككك يرحمك ربك نتاا تخمم وقاسي على روحك باغي ناس تحن فيك ؟؟ راكم كبار كامل عندك عقل تميز بيه صحيح من غالط صح؟؟ ملا نوض تقرا متستناش لوقت مناسب يلحق ليك متستناش نهار هذاك يجي لانو لوقت يفوت ميرجعش لور ندامة معندها وين توصلك لازم تقتلها باش تلحق 😍😍 حقيقة بقات 100 يوم راك في ساحة معركة مع الالاف طلاب كيفك يا تقات.ل يا تم.وت نتا هذي هي حقيقة لول على صدارة معركة مراحش يستناك باش تبدا ويبدا هو انطلاقة كانت وحدة بصح كل واحد وشمن طريق خير ضك جات دالتك تخير طريقك في 100 كيفاش راح تكون🥹🌸ّ قال سبحانه تعالى واعدا عبده ﴿سَيَجْعَلُ اللَّهُ بَعْدَ عُسْرٍ يُسْرًا﴾ وعد رباني صريح بأن هذه الضيق ومعركة لي راك فيها وهذا التعب سيعقبهما يسر وفرح كبير يشفيان جرحك والامك وسهرك وتعبك يخليك تقول الحمدلله كان وعد الله حق 😊🫶🏻 المنشور القادم : كيف تكون معركتي في 100 يوم قبل بكالوريا😭✨