𝑀𝒶𝓁𝒶𝓀 ♡

12 أكتوبر 2025

حل مشكل لي معرفش ينظم وقته : إذن👀 بما أنو كاين فئة مالتلاميذ ناقصهم تنظيم الوقت وحابين تنظيم دقيق لي يعطوا فيه كل دقيقة حقها ، كاين بزاف ناس دايرين جداول وتنظيمات متنوعة، لكن نظن أنو من الأخطاء الفادحة أنك تمشي على مخطط شخص آخر مختلف عنك تماما. ولذلك، حاولت نكتشف المعايير لي تساعد كل طالب بكالوريا في تنظيم وقته الخاص كما ينبغي، وبعد تفكير عميق لقيت أنو أي واحد قبل تصميم جدوله الخاص أو مخططه أو حتى تعيين أهدافه، أن يعرف الأمور أدناه : أولا :🪻هل أنت شخص تميل للتخطيط للتنفيذ أو تحب الحرية للتنفيذ؟   - لأنو مش كل الناس يقدروا يقيدوا أنفسهم بمهام معينة في أوقات معينة، هؤلاء الأشخاص مهما خططوا وجهزوا جداول ميطبقوهاش ويمشيو على هواهم، وكاين ناس اللهم بارك منظبطين ومخططين. ثانيا : 🪻كم عدد ساعات النوم المناسبة لك؟ - الأغلب متفق على أن ساعت النوم المثالي بين 6 إلى 8 ساعات متواصلة، لكن مش بالضرورة لكل الناس، لأن لكل واحد ظروف كاين لي لازملهم 9ساعات كاين لي 5 ..وهكذا ثالثا :🪻 أكثر وقت تكون فيه نشيط، وأكثر وقت تقدر تحفظ فيه - إما صباحا باكرا، أو وقت الضحى، وقت العصر، بعد المغرب، آخر الليل... كل واحد عندو وقت يحس فيه بالطاقة الكاملة للدراسة، لكن المستحسن كوصية من عند رسولنا الكريم اغتنام وقت البكور لأنه قال عليه الصلاة والسلام "بورك لأمتي في بكورها" رابعا :🪻 مستواك في كل مادة و خصوصا المواد الأساسية - باش تعرف الأولوية ليمن تمدها في وقت نشاطك خامسا : 🪻طريقة التعامل مع مواد الحفظ - إما انك شخص تحفظ حرفيا، أو تحفظ رؤوس الأقلام فقط وتعتمد عالفهم سادسا : 🪻مستواك في اللغات - تقدر تحددوا من خلال سرعة فهمك لشخص يتحدث قدامك أو فهمك للدروس ، او باختصار من خلال تعاملك مع اللغات في سنوات الثانوي الأولى والثانية سابعا وأخيرا : 🪻تنظيم نفسك ووقتك -إذا أنت شخص يحب الجداول، قسم وقتك بعقلانية، و في شهر سبتمبر بالذات لازم تبدأ بشوي بشوي، وخذ بعين الإعتبار الأيام الأولى تع الليسي كي تدخل تكون تعبان نوعا ما بسبب الحجم الساعي الضخم (حسبنا الله ونعم الوكيل👀💔) أعطِ لنفسك عدد الساعات الملائمة لك من النوم، وحذااااري تأخذ حق نفسك من النوم لأنو أهم شي ويحدد إنجازك طوال اليوم ✅ بعدما تعرف مستواك في كل مادة، خلي المادة لي أنت أضعف فيها  فالوقت لي تكون فيه بكامل طاقتك، حتى لوكان تكرهها. وفالوقت لي تحب تحفظ فيه حط مواد الحفظ ، والأحسن تبدأ من البداية رويدا رويدا ومع التكرار متخافش مراحش تنسى أما اللغات، حسب مستواك، إذا كنت ناقص دخلهم فالوقت لي تكون مسترخي فيهم من يومك لأنهم ساهلين وميستاهلوش وقت كبير بزاف، وإذا كنت مليح فيهم ديرلهم وقت فالويكاند يكفي -أما إذا كنت تحب الحرية فالتنفيذ، مديرش جدول لكن املأ وقتك (المادة الأساسية لي ناقص فيها في وقت نشاطك،أرقد مليح...) لكن حذااااري حذاااري من التسويف والتأجيل، لازم دير قائمة مهام وأهداف وتحققهم لااازم  نديرلكم مثال باش تفهمو أكثر : 1-نفرض أنا شخص يحب التخطيط 2-نحتاج 9 ساعات نوم باش نحس نفسي مرتاحة 3-أكثر وقت نكون نشيطة فيه بعد الفجر، ونحب نحفظ بين المغرب والعشاء 4-أنا مليحة فالرياضيات ومتوسطة فالفيزياء وضعيفة نوعا ما فالعلوم 5-نحب نفهم الدرس مليح ونكره الحفظ الحرفي (نحفظ الأهم من المهم) 6-أنا مليحة فالإنجلش ومتوسطة فالفرنسية 7-رح نخدم توقيت مناسب لي أنا : نرقد على 9 ونوض عال6⬅️نبدا بالعلوم في وقت نشاطي مثلا من 7 إلى 11⬅️نرتاح شويا من 11 إلى 2 زوالا⬅️نقرا رياضيات حتى العصر⬅️نراجع فرنسية مالعصر للمغرب⬅️بين المغرب والعشاء نحفظ تاريخ⬅️نصلي ونرقد. اليوم الموالي نفس الشيء فقط نستبدل الرياضيات بالفيزياء والتاريخ بمادة حفظ أخرى✅😌 طبعا هذا مثال على الأيام لي منقراش فيهم فالثانوية✅ المطلوب منك الآن، جيب ورقة وستيلو وحدد النقاط لي قتلك عليهم، وبعدها دير جدولك الخاص ولا برمج مخك عليه يكفي🚶🏼‍♀️🍵🍃 وبس يا أبطال نتمنى نكون أفدتكم ولو كدة شوي🤏🫠 ولو تحسوا ممكن تفيدوا صحابكم شاركوا معاهم عساكم سبب في نجاحهم ونجاحكم بإذن الرحمان🎓🤭 سلام🚶🏼‍♀️🚶🏼‍♀️ https://t.me/eeaeaeg "إعادة نشر🥲"