Lina

27 أكتوبر 2025

مادة الفلسفة: راح يكون اول عام ليكم معاها يعني لازم تعرفو كيفاه تتعاملو معاها من درك كونكم عليميين ميعنيش انكم تهملو هذي المادة بحجة طول المقالات وكثرتها كيما قلنا مهما كان معامل المادة راهي قادرة تطلعكم كيما قادرة تهبطكم اكبر خطأ ديروه في حق هذي المادة انكم تحكمو المقالة من أي مصدر وتحفظوها كلمة بكلمة هذي المادة تعتمد على الفهم اكثر من الحفظ يعني لازم تفهمو المقالة ومبعد تحفظو اهم النقاط _نروحو لكيفاه تقراوها: اولا لازم تبداو بالمنهجيات (الجدل؛يعني موضوع تجادلو فيه الفلاسفة نتوما تعرضو الموقف الاول والموقف الثاني،الاستقصاء؛راح تدافعو على موقف،المقارنةيعني تقارنو بين موضوعين من حيث التشابه والاختلاف والتداخل(العلاقة بيناتهم)،واخيرا تحليل النص لي يكون عندكم نص تكتبو على موضوعو مقالة ) اهم حاجة هي المنهجية خاطر بيها تدو8نقاط حتى لو متوسعتوش خلاص في مقالتكم وبلا بيها ماراحش تزيدو على 7مهما كتبتو وابدعتو تقدرو تدو نظرة عليها الوقت هذا وافضل استاذ عجبني في المنهجية هو الاستاذ هواري درك صايي فهمتو المنهجية تبداو في المقالات، كل مقالة راح تكتبوها في اليوتيوب عند الاساتذة لي يعجبوكم (انا كنت نفهم المقالة عند 3اساتذة باه ندي اكبر عدد ممكن من الافكار بصح افضل استاذ في الشرح هو الاستاذ مقرود عادل ) راني حطيتلكم الاساتذة لي تقراو عندهم من قبل. بعد ما تفهموها روحو شوفو مقالات جاهزة اقراوها وزيدو ادو منها الافكار بعد ديرو مخطط للمقالة هذيك (كي تبداو لقرايةراح نوريلكم كيفاه تديروه خاطر يتطلب شرح المهم انكم تحطو فيه اهم الافكار بدون شرح وحتى الامثلة متشرحوهاش) وتحفظوه وبعد تحولوه لمقالة من ابداعكم وتدوها لاستاذكم يصححها ويعطيكم نصائح اضافية،ديرو مثلا المقالة الاولى راهي مقارنة، الثانية ديروها جدل الثالثة ديروها استقصاء وكي تلقاو رواحكم صايي ملاح في المنهجية اكتفيو بالمخطط متكتبوش مقالات خاطر راح تديلكم بزاااااف الوقت وهذيك المقالة متبقاوش تحفظو فيها كلمة بكلمة خاطر مستحيل تشفاو عليها كاملة وراح تخليو افكاركم محدودة متقدروش تتوسعو احفظو فقط المخطط بشرط انكم تكونو فاهمين مليح درسكم وساعة على ساعة راح تقراو مقالات من اي مصدر باه متنساوش اكبر خطأ درتو العام لي فات فيها اني كنت ندير المقالة نقعد فيها نهار كامل بسيف نكملها خاطر كنت نحب نحط فيها كلش وفي لخر كي نحفظها ونروح نعقب منكتبش واش كنت حابة نحس افكاري محدودة خلاص ومنخرجش راضية على روحي بصح في الفصل الثالث تشجعت وتبعت المخططات فقط جاتني في لول واعرة بصح مبعد والفت لدرجة اني المقالة لي طاحت في الباك قريتها الليلة هذيك وتفرجت فيديو عليها صبحة لخميس وهكيك وقدرت نكتب مقالة عمري لاحلمت نكتبها أهم حاجة انكم تفهمو المقالة ✓قداه مقالة تحفظو: اكبر خطا ديروه انكم تروحو بمقالة ولا 2يصرالكم كيما حنا العام لي فات لافرضية لا حتمية احفظو اقل حاجة 6مقالات انا العام لي فات حفظت6طاحو 2 بصح نتوما اذا قدرتو تحفظو احفظوهم كل وتتهناو اذا تبعتو طريقة المخططات راح تجيكم اسهل مايكون اهم حاجة انكم متخافوش منها ومتدوش عليها نظرة من لول انها مادة حفظ وبزاف اذا عرفتو تتعاملو معاها راح تلقاوها مادة جد ممتعة قناتي بالتلجرام بها نصائح وملخصات لمن يريد الانضمام https://t.me/Ace_Your_Bac_With_Lina