Lina

22 سبتمبر 2025

نقاط راح تعاونكم كيفاه تنظمو وقتكم وديرو برنامج تمشو عليه: اولا اكتبو البرنامج الاسبوعي تاع القسم باه تحددو على قداه تخرجو كل يوم وواش المواد لي راح تقراوها كل يوم . قبل ماديرو البرنامج تاعكم حددو اوقات الدراسة في الثانوية وساعات الدروس الخصوصية باه تعرفو واش من نهار عندكم فيه الوقت بزاف والنهار لي معندكمش فيه بزاف وقت في الدار . البرنامج لازم نتوما لي ديروه متهزوش واحد واجد راح تجيكم واعرة في لول بصحكل مرة جربو واحد حتى تلقاو لي يخرج عليكم(لكن لازم تكونو ملتزمين بهذاك البرنامج ) . البرنامج الاسبوعي هو افضل خيار لانه يسمحلكم تراقبو الاسبوع تاعكم كيفاه عدا وواش الاخطاء لي درتوها باه تصححوها الاسبوع لي ورل وواش هي المواد لي احرزتو فيها تقدم والمواد الاخرى *كيفاه تقراو: لازم تحضرو في القسم وتتبعو مليح مع الاستاذ في القسم واي سؤال جاكم في بالكم سقسو متحشموش كي تروحو ارتاحو ساعة ولا وبعد ابداو تقراو راجعو اولا واش قريتو في القسم ساعة تكفيكم وبعد ابداو في البرنامج لي حطيتوه كيما المواد الادبية متمشيوش معا القسم خاطر في لول يبداو بالشوية خلاص توليو تهملوهم وبعد يزربو ومتقدروش تلحقو عليهم ديرو برنامج الحفظ تاعكم وامشيو عليه . ديرو نهار في السمانة مثلا الجمعة غير للمراجعة راجعو فيه واش قريتيو في السمانة كامل . كي تلقاو مثلا العلوم تقدمتو فيها والفيزيا متاخرين طبعا بعد ماقيمتو التقدم تاعكم السمانة لي بعدها نقصو من الوقت تاع العلوم واعطوه للفيزيا بحيث انكم متتاخروش في العلوم وكي تتقدمو فيها ارجعو لبرنامجكم لقديم وفي الاخير توكلو على الله سبحانه وتعالى وتذكروا ان تعب اليوم راحة الغد https://t.me/ Ace_Your_Bac_With_Lina قناتي بالتلغرام بها دروس وملخصات لمن يريد الانضمام