rihame

8 ماي 2026

Hi everyone , j'espère que vous allez bien احكولي على شعوركم و نتوما مبقالكمش على باك و تتهناو المهم حابة نوضحلكم حاجة برك بلي هذي هي فترة لي لازم نتا تكون واجد بنسبة كبيرة للباك خلاص فوتوا اكزاما بلون و شفتو طريقة اسئلة كيفاه و برسك كامل مؤسسات كملو قراية دونك دوك كيما نقولو حبل راهو في يدك لازم دوك تتعب صح صح و تقرا ليل مع نهار خاصة لناس لي راهي روطار أوموا تلحقوا شوي دوك تبداو تفرزوا رواحكم و تحلو لي باكلوريا سابقة و تعرفوا منهجية الإجابة و تتفادوا الاخطاء لي درتوها في باك بلون هي بطبيعة حال ياك بلون صعيب على باك رسمي باك راح يجي في متناول تلميذ متوسط يعني صحاب 11 و 12 و... دونك اقراو اتعبوا ياك تعب عام احسن من ندامة سنين تديوه دوك احسن متبقاو تعاودوا سواء حر او نظامي مدوا كل طاقتكم في باك باه دير تخصص مليح و تتهنى و تاني فرغوا وقتكم للباك اخطاكم من تمسخير ماعندك حاجة في لوقت هذا تنفعك كيما لباك تاعك و قرايتك و نجاحك و اهم حاجة قوي علاقتك مع ربي والله عن تجربة الح بدعاء كثر بدعاء ربي يستجاب صلي صلاتك و ادعي نتا عليك بتعب و دعاء و ربي عليه بتيسير و الاستجابة بما انو رانا في أيام مباركة استغلوها بالعبادة و دعاء وفقوا بين قرايتكم و صلاتكم هذي اول حاجة باه تنجح و تاني ماتخلي حتى حاجة مش فاهمها تهملها مش فاهم حاجة حاول مرة زوج ثالثة تفهمها باذن الله و اذا مافهمتوش حاجة سقسوا و افيدوا بعضكم مافهمتوش سقسيوا لي قبلكم و لي عندهم تجربة و في الاخير نقولكم بالتوفيق للجميع و أن شاء الله تدوه و تفرحوا بنتائجكم و افرحوا للغيركم Good luck 🤞🏻