BAC Students
راح نهدرلكم على مادة الفيزياء هذي المادة لي برنامجها راح يكون طويل مقارنة بالاعوام لي فاتو وافكار التمارين تاعها ميفضوش وهذا لي خلا بزاف تلاميذ يخافو منها معا انها مادة ممتعة لازم برك تعرفو كيفاه تقراوها راح تقراو فيها 6وحدات: المتابعة الزمنية لتحول كيميائي تحتاجو فيها تفاعلات اكسدة ارجاع، تطور جملة ميكانيكية تقراو فيها دراسة حركة كوكب او قمر صناعي، القذيفة، السقوط الشاقولي والحر، الحركة على المستوي، وهذي راح تكون اطول وحدة وفيها افكار بزاف بصح المبدأ تاعها القانون الثاني لنيوتن، الظواهر الكهربائية،تفاعلات حمض-اساس، النووي، الاسترة هذي المادة فيها جزئين نظري (تعريفات وبروتوكولات واسئلة اخرى) وتطبيقي وباه تضمنو علامات ممتازة لازم تهتمو بكلا الجزئين يعني كل وحدة تفضوها لازم تكونو حافظين الأسئلة النظرية تاعها متخليوهمش للخر خاطر راح تتخلطلكم -كيفاه تقراوها: في الوقت الحالي راح تبداو بالمكتسبات (قوانين كمية المادة، تفاعلات اكسدة إرجاع، بروتوكلات تجريبية) كاين بزاف اساتذة دايرين المكتسبات كيما الاستاذ زدون، الاستاذ عبد اللطيف.، الاستاذ عبد الله وهذا الاستاذ ننصحكم بيه شرحو تحفة، اقراوهم وتعلمو كيفاه توازنو المعادلات وتخرجو الثنائيات باه تجيكم ساهلة كي تدخلو كل وحدة تقراوها راح تركزو على الدرس مليح هو الاساس كي تفضو لخصو الاسئلة النظرية تاعها واحفظوهم، بعد ابداو تحلو التمارين فياللول شوفو استاذ يحل قدامكم في اليوتيوب بعد ابداو تحلو وحدكم وابداو بلي باك خاطر مستواهم مليح وهوما الصح بعد روحو للسلاسل الاخرى وابداو من الاسهل للاصعب وإذا بقالكم وقت تقدرو حتى تروحو لليباك تاع التقني وتاع الرياضيات وحتى تاع أشبال الامة وهكا في كل وحدة -ركزو على انكم تنوعو في الافكار على خاطر الفيزيا افكارها مايخلاصوش بصح كي تكون عندكم قاعدة صحيحة راح تقدرو تتعاملو معاها قناتي بالتلجرام بها نصائح وملخصات لمن يريد الانضمام https://t.me/Ace_Your_Bac_With_Lina