𝐷𝑎𝑟𝑖𝑛𝑒

15 ديسمبر 2025

خاوتي درك راكم كملتو الامتحانات وبداو يجيو الصدمات تاع النقاط حبيت نقلكم متتقلقوش رانا كامل فوتنا المرحلة هذي تاع النقاط الكارثية بصح عادي ديرو في بالكم بلي هذا مش هو مستواكم تاع الباك هذو النقاط لازمهم يكونو حافز ليكم باه تقراو وتنجحو وتوصلو وين راكم حابين درك لي مبداش يقرا ميبقاش يضيع في الوقت لازمو يبدا مبقاش وقت ام 5 اشهر مزال 4 تقراو فيهم والشهر الاخير مراجعة نهائية حبيت نقلكم تان او هذا هو الوقت لي تبداو فيه المواد الادبية قبل مايبدا الضغط ودرك لازمكم تحاولو صح تقراو اكثر من 5 ساعات في اليوم ولي شافت روحو يقرا اقل من 10 ساعات في الاسبوع لازمو يشبح روحو مواقع التواصل واي حاجة تلهيكم على لقراية نحيوها عليكم ام 5 اشهر برك 5 اشهر وكل واحد يحقق حلمو والله ياخاوتي غير اللحظات لي راهم يضيعو درك تندمو عليهم اقسم بالله شفتو نهار لخميس كي تكملو كلش وتلقاو الناس فرحانين علاخاطر هوما قراو وخدمو ونتوما لالا تحكمكم غصة والله والعطلة تفوتوها ابشع مايكون وتبقاو تلومو في روحكم وتقولو كون قرينا ونهار النتيجة تحسو باحساس يعيف كي تسمعو التزغريت ونتوما في داركم السكات والبكا والله ياخاوتي غير راهو سيناريو باشع خلاص والله يخي واحد فيكم مراهو حاب يعيش الشعور هذا مالا اقراو اقراو اقراو 5 اشهر ونتوما تهنيتو ومبعد ديرو واش تحبو يولي عندكم الوقت تحوسو وتديرو واش راكم حابين ونتوما فرحانين ياخاوتي والله غير اي مش صعيبة والله ابداو بلعقل واطلعو اشبحو روحكم توصلو وبن راكم حابين متضيعوش عامكم هكذاك اني انا ديت 10 في الباك ومدرت بيها والو اذا نتوما شاقيين شاقيين للجامعة اقرااوو توصلو وين تحبو علاه حتى توليو تعاودو كمة انا درك اني نعاود وكارهة ونقول كون قريت العام لي فات باه متوصلوش للندامة هذي اقراو واتعبو نتوما لازم عليكم وتسعاو والنتيجة اي من عند ربي سبحانو وربي ميظلم حتى واحد اقراو اقراو وزيرو روحكم الباك مرحلة برك وتفوت واجمل مرحلة والله مزالولكم 5 اشهر وباذن الله كل واحد يوصل للحلم تاعو ويجازيه ربي على التعب تاعو لي مزال مبداش يبدا ولي بدا يكمل متياسوش لازم ميطيحلكمش المورال