BAC Students
الكلام هذا مش ليا والا ليك اما للروح التعبانة الي خلاتك ديما تخلي خدمة اليوم غدوا و تخلي الوقت يفوت عليك وانت طامع في كلمة غدوا برك .كلمة غدوا هي مستقبل اما الفرق انو المستقبل هذا قريب برشا .ممكن غدوا تصرا برشا حاجات ممكن تولي عندك مسؤوليات غير الحاجة تاع اليوم .رسالة من هذا الفديو مش ليك اكهو اما ليا حتى انا زادة حبيت نقلك شمر على يديك لانو مكان حد يخاف على مستقبلك و تغيضو حياتك غير امك .متخليش امك.تتحير عليك والا تتنهمر عليها لمجرد انك مضغوط .خلي نحكيلك حكاية تعلم منها برك .العام ليفات الوقت هذا كانت أمي دايما تنوضني لصلاة الفجر باه نصلي هي كان كل همها تخليني نحس بلي هي واقفة معايا و بالحق هامها موضوعي كانت تخدم علاجالي في الاعراس باه تجيبي حق ليكور. اما انا كنت نجازيها بالعياط و بالتعاريك. كل فجر كانت تنوضني من تعب تاع باك و من لستراس الي خليت روحي عايشة فيه كنت نخليها تبكي كل فجر تخيلو وهي كانت مسكينة تسكت و تبعد عليا .تخيل تجرح امك لمجرد كذبة حطيتها في راسك و فيلم عايشو انت. لمجرد حاجة مابين ايدين ربي ديجا راي تكتبتلك صيبون.ايا اخر مرة تعاركت معها عركةكبيرة بكت بحرقة خطرة هذي و كانت في سجادتها قاتلي حسبي الله ونعم الوكيل فيك ابنتي. مع علم كنت قراية و ثانا كنت منصليش .فاتت الايامات وقعدت بنفس عقلية.و كنت متأكدة باه ننجح .في جويلية نهار نتيجة جتني منامة بلي راي بنت خالتي شافتلي نتيجة وظاهر فاك حلمة بلي مانيش ناجحة و مع انو نتيجة مزالت مخرجاش اما حسيت في الحلمة بلي مانيش ناجحة ايا وفيك الحلمة عيطتلي صحبتي قاتلي بلي راني نجحت انا توترت و بكيت كي شغل بلي راني منجحتش فطنت صباح وكانت نتيجة على عشرة ايا شافتني بنت خالتي هذيك و ما نجحتش وصحبتي نجحت يا واش نحكيلكم وش درت فاك اللحظة عقب عليا كيما الفيلم وعيطت عيطي وحدة اما عرفت بلي ربي عاقبني على دمعة ماما وعلى تقصيري في العبادة. علا جال اك الباك اما لعام هذا قررت نخلي في بلاصة ما نبكي ماما نفرحها و في بلاصة ما نبعد على ربي نقربلو اكثر لانو شي ما يكمل بلا بركة ربي كلشي حتى نفس الي تتنفس فيه. قاعدة لازم تمشي بيها في حياتك حطها بلي بلا رضاية والديك و رضاية ربي قبل كل شي ما راح يصرالك الي تحلم بيه و مخططلو و راح تمشيلك امورك ديما بالعكس خليها عبرة في بالك وما ديريش غلطتي .اكهو جماعة نصيحة ليكم نشاله تكونو استفدتو و تعيشوا ادعولي و ادعو لخواتكم مومنين الكل بالنجاح نشاله الكل ناجحين وشكرا 🥹🩷🤲
