BAC Students
مادة اللغة العربية: مادة تقدرو تجيبو فيها نقاط ممتازة بسهولة -مالازمش تقراو المكتسبات في العطلة -موضوع الامتحان راح يكون اما نثر او شعر نتوما تخيرو لي عندكم عليه معلومات اكثر وتحسو رواحكم تقدو تلمو فيه النقاط وكلاهما راح يكون مقسم لجزئين بناء فكري فيه اسئلة على النص وبناء لغوي فيه اعراب المفردات والجمل(نفس تاع4متوسط) والاسئلة البلاغية (الصور البيانية والاساليب الانشائية تعاودوها نفسها) ماهمش واعرين خلاص محسوب كلش قريتوه من قبل -درك نروحو لكيفاه تقراوها: راح تقسمو كراس التلخيص الخاص بيها ل3اقسام: قسم للبناء الفكري وقسم للاعراب وقسم للبلاغة راح يكون البرنامج مقسم لوحدات كل وحدة لها موضوع معين مثلا عصر الضعف، المهجر، السياسي يعني النص لي راح يجيكم باين على واش راح يحكي. أفضل استاذ ننصحكم بيه هو الاستاذ حيقون أسامة صراحة قمة الاستاذ بوبكر كنت نفضل نقرا معاه البناء اللغوي وهو ثاني مليح اتفرجو الفيديوات تاع الاستاذ حيقون مثلا ولخصو واش فيه كامل واحفظوه بعد ماتفهموه مليح خاطر هذاك واش راح يجيكم في البناء الفكري ونفس لحكاية مع القواعد والبلاغة، كي تفضو هذيك الوحدة تبداو في المواضيع شوفو في لول فيديو المنهجية تاع الاستاذ حيقون فيه اسرار التميز كامل ومبعد تبداو تحلو المواضيع تاع الوحدة هذيك اولا شوفو في اليوتيوب الاستاذ حيقون كيفاه يحل متحلوش اتفرجو برك واديو الطريقة تاعو كيفاه يحلل في النص والاسئلة. من وراها ابداو في البكالوريا من 2025لل2008 حلو ومبعد شوفو التصحيح النموذجي باه تعرفو واش ناقصكم كي تدخلو في الوحدات لجديدة متنساوش لقديم مرة على مرة راجعو الوحدات لخرى وحاولو كل اسبوع حلو موضوع باه تدربو وكي تفضو البكالوريا تقدرو تشوفو بكالوريات تجريبية على قد ما تحلو اكثر على قد ما تمشيو يدكم وتتعودو ∆اكبر خطأ ترتكبوه في حق المادة هذي انكم تخليوها حتى يقرب الباك عادا تبداوها وتقولو راهي واعرة المادة لازم كل درس تراجعوه في وقتو المادة هذي معاملها3يعني لازم تهمتمو بيها مليح باه تتفوقو بإذن الله قناتي بالتلجرام بها نصائح وملخصات لمن يريد الانضمام https://t.me/Ace_Your_Bac_With_Lina