hadjer

15 أوت 2025

هاذو اهم النصائح لي تعلمتهم من عامي تاع الباك و شا اعتمدت تاني اتمنى تدعولي بالعوض و الامتياز في بكالوريا 2026 كطالبة حرة لاول مرة : اول حاجة لازم تعرفو تنظمو وقتكم ديرو مهام يومية و اهداف اسبوعية و اهداف شهرية و التزمو بيهم ثاني حاجة ما تكثروش بزاف المصادر لازم من ضروك حددو استاذ او ثنين رح تعتامدوهم و حددو المراجع تاني انا ننصح بالاستاذ نور الدين و كتاباتو و سلاسل مصطفاي عبد العزيز لكل وحدة بالنسبة للرياضيات و الفيزياء ننصح بزدون و عبد الله للناس الثقيلة و شعلال و عبدو رضوان للناس الخفيفة بصح كامل ملاح انا كنت كل مرة نشوف الدرس عند واحد و المراجع تأشيرة النجاح او المغني واحد فيهم لانو يتشابهو و في 2 ملاح حسب التجربة العامة و العلوم كتفي شريف زينة و الاستاذ شاوش و المراجع كتابات كتفي و تاني المصدر لي لازم عليكم تخلو منو هو عقبة بن نافع سواء مات ولا فيزيك ولا سيونص سيو تبعو اختباراته الفصلية يعني ما شاء الله حرفيا بالنسبة للاخطاء اياكم ثم اياكم تحلو التمارين لي ما عندهاش حل و مشي شرط ديرو ليكور تقدرو مليوتيوب و تنجحو انا درت ليكور في عامي لول بصح ما ساعدونيش لانو النيفو كان طالع و ما نقدرش نقرا و نركز مع الناس تاني تعب و ضياع الوقت فطرونسبور سو عامي هذا مش رح ندير و تاني ما تقراوش مع الناس خطيكم من قروبات التلجرام و و غوغل ميت و قاع لي باغي يقرا يقرا وحدو انا ندمت عليهم العام ليفات و اخر حاجة افهمو الدرس تاعكم غايا شدو فيه 3 ايام الى 4 هكاك حساب استيعابكم و حلو التمارين حلو قد ما تقدرو لانو هذاك هو الصح ما تهملوش المواد لي تخافوهم اياكم و الله واجهو اي مادة و بالعمل رح تتمكنو منها بالنسبة لللغات اونجلي فيها بزاف قواعد شيالا ساهلة و الله و لازم تتعلمو كيفاه تكتبو الفقرات لانو كاين انواع و لازم من ضروك تبدو تلايمو في المصطلحات احسن و كي تتقدمو بدو تحلو كل مرة موضوع واضيع البكالوريا تكفي ننصحكم بالاستاذ جيار للقواعد و امين للدروس و بروف ياسمين كنز قليل لي فايقلو شوفو عندها المصطلحات ما تندموش ابدا و الكتب اشرو كتاب عكاشة تاع عزوز مليح و فيه المصطلحات و الدروس كامل فرنسية ننصحكم بكتاب منصوري بيرفكت فيه بزاف مصطلحات ما تعتامدوش على تيب واحد من النصوص انا صراتلي و اضطريت نختار النص التاريخي لي كان صاعب لاني ما قريتش لخرين لايمو المصطلحات من ضروك و الدروس مكاش بزاف تقدرو تتفرجو ملخصات سالي و نتوما فريتوها و بدو بحل المواضيع يوم فرونسي و يوم اونجلي اما بالنسبة للادب ننصحكم و بشدة بحيقون اسامة تبعو عمدو القواعد اما البناء الفكري يكتسب بحل المواضيع و يكفوكم البكالوريا و لا قدرتو اشرو كتاب حيقون اسامة لخضر هذاك لانو بيرفكت و رح يفيدكم خصوصا في البناء اللغوي اما عن مواد الحفظ احفظو بالكتبة شوفو الدرس في اليوتيوب و اكتبوه عندكم ولا لخصوه و ابدو كل مرة تحفظو جزء ما تبداوش الحفظ بكري خلو حتى لجانفي احسن لانو رح تنساو و لي يقدر يرسم رح تساعده الموهبة الدرس ارسموه باي طريقة تبانلكم بالتخربيش ما يهمش مهم هادي طريقة فعالة باه تحفظوه و الله و ننصحكم بكتاب بورنان انا حفظت منو و الاساتذة تبعو بورنان هند ولا امين سكول هادو بيرفكت و ما تهملوش منهجية الاجابة تاع الاعمدة و الدائرة خاصة في الجغرافيا عليها 3 نقط شوفو اسئلة و قاع بصح عادي مش شرط تحلو ليباك الخفظ و التكرار يكفي كذلك الاسلامية انا ننصحكم بالاستاذة بوسعادي و كتابه و كذلك الاستاذ شمس الدين هالين و مكاش كيفهم الشريعة جد سهلة شيالا ما تهملوش الاسئلة غير المباشرة ولا التطبيقات لانو نصها رح يكون فهامة اما عن الفلسفة كاين بزاف اساتذة فليوتيوب لي تلقو عندو المقالة ذيك اقروها ننصحكم بخليل سعيداني و هواري ولا اكرم غسان في التلجرام هااايل و مقلاتو هايلين بلبزاف الكتب الخارجية اشرو كتاب الهدى بيرفكت موسع بلبزاف و اشرو كتاب هبة جبابرية تاني هايل ما تهملوش هاد المادة لانو تأثر عليكم تفاداو تختارو تحليل نص فلباك ما يمدوش عليه الفلسفة مش حفظ ابدا الفلسفة فهامة متالي استعينو بشرح الدرس و بالكتب الخارجية و كذلك شات جي بيتي يعاونكم تلايمو معلومات بلبزاف و ابنو المقالة تاعكم الخاصة بالفهامة احسن و احفظو الاقوال فقط و هذا مكان ادعولي معاكم لي كمل المسج لانو طويل و لكن هذا قاع شا نعرف و شا تعلمت من اخطائي اخيرا ما تسهروش و ارقدو 8 سوايع تاعكم نوضو بكري اخسن بكثير ابدو بالخفظ من بعد سبيسياليتي تاعكم يوميا 4 ساعات من بعد يا اما مات ولا فيزيك يوم بيوم 3 ساعات في المقيل من بعد اللغات ساعتين عشيا ناوبوهم كل مرة لغة و الفلسفة خلولها نهار ما تقروش فيه سبيسياليتي قروها فيه ولا شوفو لي تساعدكم معاها لمهم بداوها بكري و اول حاجة المنهجيات ادركوهم غااايا و نصيحتي تالية اقرو ملش كملو كامل البرنامج في قاع المواد ما تريسكوش لا مقترحات لا والو و احسبو الوقت لي بقالكم ناقص شهرين خلوهم للمراجعة لانو هاذوك اهم شهرين في عامكم متالي ما تنساوش تراجعو واش قريتو كل مرة و خلاص و كنقطة اخيرة يا علم يا ناس يا طلاب يا اخوان اقرو وحدكم بعدو على الناس قدر المستطاع مش بسبب العين و الحسد اكثر ما انكم رح طيحو في حالة مقارنة لا اراديا ما تسقسوش ناس وين لحقو و شا حلو و شا دارو لالا اقرو لرواحكم قارنو رواحكم برواحكم بين البارح و اليوم برك لانو هذا من الاخطاء لي خلاتني دايمن روطار و جامي اعترفت بانجازاتي لاني كنت احبط من روحي كي نقارنها بناس الاخرى فبلاكو نتوما تاني تصرالكم و اهم نقطة خوتي قوو علاقتكم مع ربي على قد ما تقدرو عادي ربي غفور رحيم مهما كنتو مضيعين اجر من قبل الباك اكثره زهر و الزهر هذا يساوي التوفيق تاع ربي و المعجزات تاع الله سبحانو ديرو الخير صلو و اقرو القران و بالتوفيق لينا كامل ان شاء الله ❤️‍🩹