BAC Students
1️⃣ منين نجيبو افكار التمارين في الفيزياء 👇 افكار التمارين ماتلقاهمش واجدين و انت تحفظهم لا لا ، لازم عليك تحل قدر كافي من التمارين و تستخلص من كل تمرين فكرة هذا مكان . التمارين سبق و شاركتهم ، لي حاب تمارين صعبة شويا يشوف قناة الاستاذ ترير . تدوين الفكرة : مش شرط تعاود تكتب التمرين و الحل تاعه 2️⃣ مانقدرش نوض صباح بكري ⏰ هذا يرجع لروتينك و طبيعة حياتك ، كاين 70000 طريقة باش تقدر تنوض بكري ، لازم ترقد بكري ، ماتسهرش مع الشاشات و الاجهزة ، أكلك يكون صحي … و غيرها،، مش رح نقولك طريقة سحرية تخليك تستيقظ مباشرة و تروح مباشرة لمكتبك باش تقرا ،، كل واحد يجاهد نفسه باش ينوض الصباح بكري ، خصوصا لما تكونو روطار في مادة معينة كيفاش حبيتو تتقدمو فيها و انتم مازلتو تنوضو على 11 3️⃣ كيفاش نديرو وضعية مليحة في الانجليزية 🇬🇧 معرفة منهجيات الوضعيات ، معرفة افكار الوحدة لي تكونو اكتسبتوها في القسم ، التدرب على كتابة وضعيات و تصحيحها ( جميع مصادر المنهجيات ، الافكار ، الاساتذة شاركتهم ) 4️⃣ كيفاش نوفقو بين دروس الجديدة و الوحدات القديمة ⭐️ فكرة 💡 : تقدرو تقراو في اسبوعكم الدروس الجديدة تاع الفصل هذا ، و بعدها اختارو ثلاث ايام في الاسبوع تقراو فيهم المواد الاساسية ، اما المواد الثانوية في نهاية الاسبوع ديرو تكرار للحفظ السابق و احفظو الدروس الجديده. ( فصلت في الموضوع سابقًا ) 5️⃣ حابين استاذ يصححلنا مقالاتنا في الفلسفة 📆 : استاذ القسم بزاف مناسب لكن للاسف الاساتذة عليهم صغط كبير خصوصا في هذه المادة ، و اعتقد ماكانش استاذ يقدر يصححلك من غير استاذة الدروس الخصوصية ، بصح معليش ادخلو لمجموعات الفيسبوك الخاصة بالاساتذة في المادة و حطو مقالاتكم و شوفو استاذ يصححلكم .
