BAC Students
سلام عليكم ورحمة الله وبركاته هناك من يتسائل عن البرنامج او طريقة لي يتبعها باه يقدر يلحق يراجع للفصل ثاني وفي نفس لوقت راهو يراجع فصل الاول ويقدر يتقدم بيها بنسبة ليا طريقة المعتمدة انو في ايام الاسبوع من الاحد للخميس مراجعة الدروس الخاصة بالفصل الثاني يعني تتمشاو معا الاستاذ في القسم يوميا مراجعة للفروض واختبارات الفصل الثاني ويومي الجمعة وسبت هاذو خاصين فقط بالفصل الاول وديرهم شارج سيرتو للي متأخرين يعني مكانش وقت من الاحسن تلحقها حتا ل 12 ساعة مراجعة مثلا الجمعة نخصها غير بمادة اساسية ومادة ثانوية نكمل وحدة كاملة من الفصل الاول نحل فيها بزاف تمارين او بكالوريات نحاول نغلق عليها سبت مادتين ثاني اساسية وثانوية وهكذا كل يومي جمعة وسبت حتا تلقا روحك مكمل معا الفصل الاول ولاحق لفصل الثاني لانك قريته في ايام الاسبوع المتبقية حتا يلحقو لاختبارات تقعدو بهاذ ريتم ومبعد صاي تاكدو علا الفصل ثاني خصوصا اسبوع ما قبل اختبارات وهناك عطلة راح تحاول تغلق فيها الفصلين وتتقدم للفصل ثالث بإذن الله كامل نلحقو في الاخير وفقكم الله ولا تنسو قول الله عز وجل «وان ليس للانسان الا ما سعى» اسعو وديرو كامل جهدكم مبقا قد لي فات اربع اشهر فقط نتعبو فيها ونجيبو لباك ونفرحو والدينا اساتذتنا ونشرفو مؤسستنا بإذن الله ♥