❄𝑬𝒊𝒍𝒆𝒆𝒏❄

15 فيفري 2026

شوفو قبل ما تقراو اي مادة لازم تعرفو مليح واش رايحين ديرو فيها يعني اذا هاذ المادة تتطلب فهم برك ولا فهم و حفظ ولا ما هي العناصر لي لازم تكون تعرفهم فيها ... ✅ كيما العربية كامل علابالنا بلي فيها البناء اللغوي و البناء الفكري ✅ ( و كاين التقويم النقدي لي ما يخصش الشعب العلمية ) و لازم تعرفو بلي البناء الفكري عليه 12 نقطة ( الشعب العلمية ) و 10 نقاط اذا منيش غالطة للشعب لي بقات ✅ هو عبارة عن اسئلة جاوبو عليها من خلال فهمكم للقصيدة الشعرية او النص تاعكم ✅ و هاذ الأسئلة فيها جزء كبير من الحفظ لي تكونو قريتوه في الدرس كيما الشعر السياسي و الشعر الرومانسي و الشعر التعليمي .. يعني الدرس لازم تكونو حافظين منو ( الرواد , الخصائص , التعريف , ...) و هاذو تلقاوهم في الملخصات كاامل لي راني حاطتهملكم ✅ هاذو بالنسبة للاسئلة ✅ وعندكم تاني سؤال داأاائما يطيح و لي يكون عليه 3 نقاط لي هو التلخيص تاع النص ✅ لازم تعرفو برك المنهجية الصحيحة للتلخيص هكذا باش تضمنوا اكبر علامة فيه ✅ و منه كخلاصة لواش رايح يطيحلكم في البناء الفكري : قلنا أسئلة جاوبو عليهم من النص بعدما تكونو فهمتوه مليح و اسئلة جاوبو من الدرس لي تكونو حافظينو و فاهمينو مليح و عندكم السؤال تاع التلخيص لي غير تعرفو المنهجية تاعو تقدرو جاوبو عليه ،✅ و كملاحظة ( اهم حاجة تضمنو بيها النقاط في البناء الفكري هي كي جاوبو باسلوبكم الخاص بسك النقطة تزيد و تاني لوكان ديرو copier coller على النص ينقصولكم بزاااف علابيها الناس يخدمو اكثر في الشعر بسك اصلا ماكاش كيفاه دير copier coller و منه اي جملة جبتها يحسبوها صحيحة بسك عبرت باسلوبك الخاص ✅) نروحو الان للبناء اللغوي : ✅ هو عبارة عن قواعد لاازم تكونو حافظينهم برك 🤷 و اغلبهم قريناهم بكري يزيدولكم برك شوية تفاصيل ✅ عندكم : الصور البيانية : استعارة / كناية / تشبيه / مجاز (مرسل و عقلي ) عندكم المحسنات البديعية : طباق / مقابلة / جناس/ سجع ... عندكم الاعراب : اعراب الجمل و اعراب الكلمات ✅ عندكم الحقل الدلالي بانواعه ..✅ هذا مكان يعني اشياء بسيطة ديرولها ملخص فقط و افهموا واش لازم يتفهم و احفظو واش لازم يتحفظ ✅ و لي راهو خايف منها يشوف لي باك لي فاتو و تفهمو واش راني نهدر ✅ انا شخصيا كنت مبحرة و ما نعرفش كيفاش نقراها و بعد ما عرفتلها و جبت فيها 15.5 في الباك راني جبتلكم ملخص على كامل واش لازم تكونو تعرفو عليها ✅ و دوك ابداو تقراو و بركاو ما تضيعو وقتكم بسك تندمو مع اللخر ✅ القنوات لي قريت بيها في اليوتيوب هي قناة الاستاذ حيقون اسامة و قناة كور ديزاد ( الاستاذ خالد حماش ) ✅ اساتذة قمة قمممة تبعوهم و ما تندموش 💗