السلام عليكم كلام مهم خاوتي كاين بزاف لي مزال مبداوش يقراو لأنو مزال مفطنوش بصح ديرو في بالكم بلي راح تندمو اقسم بالله تسما غير ابداو تفطنو ماشي نتا ولا نتي ماتقرا ماتعيا ماتطيح وتحوس تنجح هذي هي الحقيقة والنجاح لي راني نهدر عليه ماشي غير الباك لأنو الباك تقدر تحفظ شوية وتصدقلك تجيبو لكن بالنسبة ليا هدا ماشي نجاح النجاح هو أنك تضحي بكل العفايس يلي تحبهم دوكا من أجل أنك تدير عفسة تحبها حياتك كاملة مام أنا ماعنديش بزاف ملي بديت نقرا أنا كنت نقرا مليح كي كنت صغير ايا بديت ندير سبور وكان سبور هو كلش في حياتي ودرت هدف أنو ننجح فيه تسما حبست كلش وركزت في الهدف والحمدلله وصلت وين كنت حاب لكن هذي الفترة هملت قاع قرايتي حتى وين جاتني ضربة في رجلي قعدت عام وأنا معلاباليش واش عندي حتى صدقت عملية جراحية درتها العام لي فات وكي وليت هدا العام زاد جاتني ضربة في رجلي الدوزيام وزدت درت عملية ومازلني لحد الآن مريض خاوتي مرانيش نحكيلكم في حياتي بصح راني حاب نحفزكم أنا مور قاع واش جوزت وزيد منجيبش الباك ونفرح يما تسما قررت نبدا نقرا وراني الحمدلله تقدمت شويا خاوتي ابداو تقراو ادا ماشي علاجالكم على جال والديكم مام هوما يستاهلو يفرحو مور واش جوزو في حياتهم وديرو في بالكم عفسة"لايكلف الله نفسا إلا وسعها " تسما نتوما أسعاو وخلي ثقتكم بربي كبيرة انشاء الله تكونوا ستفدتوا ولو بالقليل انشاء الله تنجحو كامل وهذيك الفرحة تنسيكم واش جوزتو 🤍