Lina

24 أكتوبر 2025

نواصل مع مادة العلوم المادة لي المعامل تاعها 6 بهذي المادة راح تقراو5 وحداتفي المجال الاول كلها على البروتين: تركيب البروتين،العلاقة بين بنية ووظيفة البروتين ومبعد نروحو لأدوارو؛ في التفاعل الانزيمي، في المناعة، في الاتصال العصبي وكي تفضو هذا كامل تروحو لمجال خلاف لي راح تبداو فيه بالتركيب الضوئي ومبعد التنفس(ردو بالكم تخليوه ومتقراوهش) ولا كملتيو التخمر موضوع البكالوريا راح يكون فيه 3تمارين (بالنسبة لشعبة علوم تجريبية): استرجاع المعارف لي راح يطلبو منكم فيه اما تسمية البيانات او ذكر ادوار عناصر..والسؤال الثاني راح يكون نص علمي عندو علاقة بالسؤال الاول وقادر يمدولكم غير نص علمي. سماوه هك خاطر راح يكون تقريبا كيما الدرس بصح عادة يمدولكم حالة عادية (لي قريتيوها) وحالة مرضية عليه5نقاط. التمرين الثاني استدلال علمي فيه جزئين. وتمرين مسعى علمي فيه3اجزاء لول تاع الفرضية وممكن قبلها مشكل علمي الثاني المصادقة على صحة الفرضية والثالث الحصيلة راح تكون اما مخطط ولا رسم تخطيطي ولا خلاصة على هذي لازم تكونو تعرفو المنهجية ومتمكنين مليح منها خاطر حتى لو كنتو فاهمين دروسكم وناقصين في المنهجية تسما ما درتو والو هذي المادة تحتاجو فيها الحفظ والفهم معا يعني لازم تفهمو درسكم مليح ومبعد تحفظوه باه تديو علامات ممتازة بإذن الله -درك نروحو كيفاه تقراوها:هذا الوقت حاولو تراجعو المكتسبات؛ مكونات الخلية (الحيوانية،النباتية،البكتيريا)، الطفرات، الADN, والاتصال العصبي خاصة الادماج العصبي راح تحتاجوه بزاف. وكي تبداو الدروس لازم كل درس تقراوه في القسم تراجعوه في وقتو تلخصوه وتحفظوه، كي تفضو الوحدة ديرولها نص علمي ومخطط ولا رسم تخطيطي باه تثبتو حفظكم ومبعد روحو شوفو افكار التمارين من اليوتيوب مثلا من عند الاستاذة كتفي ولا الاستاذ شاوش، شوفو تمارين في اليوتيوب وركزو على الاستاذ كيفاه يحل شوفو المنهجية كيفاه ومبعد ابداو تحلو وحدكم وابداو بلي باك ومبعد روحو للسلاسل الاخرى كل وحدة حاولو تحلو عليها على الاقل15تمرين بافكار متنوعة وكل وحدة ديرولها كيما هك قناتي بالتلجرام بها نصائح وملخصات لمن يريد الانضمام https://t.me/Ace_Your_Bac_With_Lina