❄𝑬𝒊𝒍𝒆𝒆𝒏❄

14 جانفي 2026

🔴🎤السلام عليكم جماعة الخير اليوم راح نتناولو الموضوع الأتي🍕🌮: 1️⃣⁉️هل5 أشهر كافية للحصول على معدل ممتاز في البكالوريا ❓️ 2️⃣⁉️كيفاش نظم وقتي في هاد الفترة❓️ 3️⃣⁉️نصائح وارشادات❓️ 🔴تبعوني👇🏻👌🏻: بالنسبة للسؤال الأول1️⃣:نعم 5اشهر كافية للامتياز سواء كنت نظامي او حر /سواء كنت بديت ولا مزال مابديت .هاد الفترة راح تكون صعيبة لحد ما على ناس لي مزال مبداتش وكذلك النظاميين بحكم انهم يقراو في الليسي بالإضافة إلى الجامعيين لي يعاودو في الباك أما ناس لي بلوكات لعام ولا حبست الليسي عندهم الوقت لكن كاين ناس ميش تستغل فيه وهاد المره منيش راح نحفزكم ونقلكم مزال الوقت واقرا في راااحتك لالا والله مابقا بزاف للباك لازم تضاعف المجهود ديالك وتنوض بكري وهاد التفاصيل نحكو عليها في السؤال الثاني تبعوني👇🏻🕯🔴 بالنسبة للسؤال2️⃣ كيفاااش نقدر ننظم وقتي فهاد الفترة 👇🏻:باش نكونو واقعيين وقبل مانبداو نحكو نسحقك تقرا في اليوم +7ساعات ميهمنيش المهم فوق7 سوايع قل منحتاجش ثاني حاجة نسحقك يوميا تنوض قبل 8تاع صباح ميش تنوض على 10 وتقولي فاتني الوقت ومقدرتش نقرا 🙂ومنبعد تولي في كذبه افريل ومنا ومنا ثالث حاجة واهم حاجة وقت لقراية بعد على مواقع التواصل الاجتماعي واي حاجة تخليك متركزش ومشتت لانو اذا كنت تقرا وهزيت التيليفون المعلومة راح تروح واذا راحت المعلومة يعني لباك راح واذا راح لباك يعني سموك تقرا العام لجاي مع ولاد ولادك 2009 حقيقة علمية لاغبار عليها 🙂❗️ متفاهمين ؟متفاهمين 🤷‍♂️ بعد ماتفاهمنا على هاد النقاط نقدرو نبداو كيفاش تنظم وقتك 🔴بالنسبة للنظامي ولا الجامعي: خصك يوميا تنوض قبل 7 بساعة ونص هاد الوقت دير مادة حفظ بعد ماتكمل تلحق8 تروح تخبش في الليسي مع استاذك كي ترجع على 4 تريح شووويااا وتبدا دير ساعتين مادة اساسية ومنبعد كي تكملها دير ساعتين مادة اساسية اخرى (دير المادة لي روطار فيها ولا ضعيف فيها يوميا ) وبعد ماتكملهم ومع لخر دير لغات عربية ولا فرنسي .... لمدة ساعة أو أقل وارقد علابالي صعيبة مي هادا هو الحل الوحيد مكانش غيرو 🔴بالنسبة للنظامي لي محبس الليسي والحر لي مبلوكي العام: :خصك تنوض تصلي الفجر وتبدأ تقرا مادة ادبية تلحق 8 ريح شويا وابدأ مادة اساسية لمدة 4 ساعات تلحق12 ريح على 1 دير مادة اساسية الثانية لمدة اربع ساعات تكمل على 5 بالتقريب فهاد الفترة بالنسبة للمتقدمين ريح ساعتين وعلى 7 ونص ابدا تقرا لغات بالنسبة لي روطار وهداوين بدا ريح ساعة برك على 6 ونص ابدا تقرا لغات وكي تكملهم اذا بقات عندك طاقة تاع تخباش 🧪كملها بتمرين ومراجعة الحفظ علابااالي علابالي صعيبة مي عام ويفوت والعام لجاي راك تقرا في تخصص احلامك🙂‍↔️ 🔴نصائح وإرشادات ❓️⁉️: 1️⃣ - اعطيني طريقة مليحة باش نقرا و مانكرهش : - طريقة البومودورو لي صرعونا بيها ، ايه مليحة و تساعدك ، من الافضل تقرا 50 دقيقة و 10 - دقايق راحة . مي تكون كاره و ماعندكش النفسية باش تقرا نهائيا ، حاول بـ 25 دقيقة دراسة و 5 راحة . تدريجيا حتى تدخل في الجو و تقرا. صعيبة باش تقرا 8 ساعات على ضربة ، بصح حاول كل يوم تزيد شويا ، مثلا اليوم تقرا 3 ساعات ، غدوا 3:15 و هكذا . مش رح تعيا ، و رح توالف . افضل من انك تقرا 10 ساعات في جانفي و فيفري ، و مبعد تولي ماتقدرش تكمل ساعتين في أفريل و ماي ⚠️ 2️⃣ - كيفاش قدرت توازن بين الوحدات القديمة و الجديدة 👇🏻 : شوفو ، التخطيط جماعة هو الصح ، كراس و ستيلو و نتا فريتها ، بصح التخطيط يلزمله التطبيق . - ☀️ - كل صباح و لا قبل ما ترقد دير to do list سواء يومية و لا اسبوعية ، بحيث لازم يكون فيها : دراسة الجديد / مراجعة القديم ( قراءة او تمارين ) - لازم تكون واقعية ، ماشي تدير حل اربع تمارين في الانزيمات و حل 3 دوال اسية و حفظ الدرس الاول في الاجتماعيات و تلخيص النص التاريخي . كون عقلاني شويا 🏃🏻 - بالنسبة لي ماقراوش القديم( وحدات الفصل الاول ) كيما يلزم ، رح تجيهم صعيبة ، السرّ يكمن في الاجتهااااد ، مثلا راك حاصل في الميكانيك و علابالك هي الصح ، 7 أو 6 نقاط ، خصص لها ثلاث أيام تربص مغللللق 🔐، تقرا فيه كلش و تدون كلش ، بعدها أرمي نفسك في التمارين . - بعض الوحدات الجديدة مستقلة على القديمة ، تسما اذا قدروا اقراوهم بالتوازي مع بعض ( كهرباء منفصل على الميكانيك ، ميكانيك منفصل على المتابعة الزمنية … الخ ) 3️⃣افضل طريقة لحل تمرين معقد 1-كتابة كل المعطيات في ورقة 2-تقسيمه الى مشاكل صغيرة 3-ترتيبهم في التسلسل المنطقي 4-حل مشكل بمشكل