BAC Students
خطأ كبير ديروه ويضيعلكم بزاف الوقت هو انكم تبقاو حاصلين في الوحدة زعما حتى تتقنوها كاينة حاجة لازم تحطوها في راسكم هي انو مستحيل تكملو جميع افكار الوحدة وتقدرو تحلو التمارين عالية المستوى دون اخطاء في وقت قصير والخطأ هذا راح يخليكم متمشوش في الوحدات لجدد وفي نفس الوقت راح تطيحو معنوياتكم كي تلقاو بلي مازالت افكار جديدة عادا ماصادفتوهاش شوفو انتوما الوحدة في اي مادة لازم تفهموها وتحفظو مايجب حفظه وتحلو تمارين متدرجة الصعوبة كر تلقاو بلي يدكم بدا يمشي في الحل وتمكنتو من الاسئلة لي ديما تجي في مواضيع الشهادة وعدتو تحلوها بلا ماتديرو الاخطاء صايي ادخلو للوحدة لي وراها لانه انتوما كي تدخلو لوحدة جديدة راح تخصصو وقت للوحدات لقديمة تراجعو ملخصها ولا تحلو تمارين عليها وكل مرة راح يزيد مستواكم وتعودو تقدرو تحلو اي سؤال يطيح فيها يعني نتوما ركزو على الاساسيات اتمكنو منهم مليح لازم يولولكم بديهيات وحلو شوية افكار كي توالفو على طريقة الحل ادخلو في الوحدة لجديدة لكن حذاري انكم متراجعوش لي قبل ومتكملوش تحلو عليه لانكم بهذي الطريقة راح تنساو واش قريتو كامل وديرو كراس ولا جزء مخصص للافكار لي تتصادفو بيها وفقكم الله قناتي بالتلجرام بها نصائح وملخصات لمن يريد الانضمام https://t.me/Ace_Your_Bac_With_Lina