𝓓𝓪𝓻𝓲𝓷𝓮

10 سبتمبر 2025

خاوتي ضوفو نبداو بحكاية ليكور لي كل عام التلاميذ يهدرو عليها شغل كاين تلاميذ ميعرفوش يخيرو اساتذة وكاين لي معندهمش باه يديرو ليكور وانا هنا درك نحاول ننصحكم في الحالات كامل نبداو بالناس لي ميقدروش يديرو ليكور حبيت نقلكم بلي ليكور مش حاجة لازمة علاخاطر كاينين اساتذة في اليوتيوب ماشاء الله يمدولك كلش كلش معنتها كي متقدرش تدير ليكور ميطيحلكش المورال وتقول اها انا مسحيل ندي الباك علاخاطر انا منديرش ليكور الصح او مش في ليكور الصح او في الخدمة تاعك في الدار انا العام لي فات درت بصح مكنتش نعاود واش ندير في الدار وبسباب هذا مديتش ملشح في المواد العلمية الصح او في التمارين الاستاذ او يوجهك بصح مش هو لي يجيبلك الباك خدمتك هي لي تجيبلك الباك كي يكون ربي كاتباك تديه طبعا الجماعة لي قادرين وحابين يديرو ليكور اخطيكم من جماعة السيرك هذوك ام غير يخرطو ومبعد متلقاوش روحكم معاهم شغل كي ياحق جانفي تفيقو بلي الاستاذ هذا مش مليح ومتلقاوش كيفاه تبدلو علابسها سقسيو التلاميذ لي جوزو الباك من قبل في ولايتكم على الاساتذة لملاح مثلا انا نقدر نعاون تاع ولاية قسنطينة علاخاطر انا من تم ونعرف الاساتذة لملاح عندكم في الرياضيات الاستاذ جادلي محمد نضال استاذ ماشاء الله يقري من قلبو ولي قراو عندو كامل يشكرو فيه انسان خدام وعندو ضمير صح صح او تلقاوه في الخروب في مدرسة ماسينيسا سكول 1 و2 وفي علي منجلي (النوفال) في تونايس سكول ومدارس العالم ومدرسة النجاح وفي سيدي مبروك تلقاوه في تونايس سكول وكاين في الحامة تان المهم لي مهتم يقلي نمدلو الانستا تاع الاساتذة لي رايحة نقلو عليهم ويتواصل معاهم وتاع التسيير والاقتصاد او دايرلكم فوج ليكم وحدكم الفيزيا كاين الاستاذ بوشلوخ نور الدين استاذ في القمة والعلوم الاستاذة خدومي ريمة قلولي برك نمدلكم الحسابات تاعهم باه تتواصلو معاهم كاين في خنشلة ناس نعرفم وفي باتنة قالولي الاستاذ حلفاوي فارس يدير ليكور تماك وهو تان استاذ ماشاء الله المهم خلاصة القول اذا متقدروش تديرو ليكور نورمال مش لازم تدير ليكور باه تنجح واذا رايحين تديرو ليكور اقراو من عند اساتذة معنتها اقراو من عند واحد عندو شهادة استاذ واذا لقيتو خريجي المدسة العليا للاساتذة افضل وتوكلو على ربي اسعاو او عام ويفوت انا والله غير ندمت على التسويف واللعب تاع العام لي فات كون قرت صح كون راني ديت المعدل لي راني حابتو اني صح ديت الباك بصح والله معندها حتى معنا تدي الباك بمعدل انت مش حابو والله خاوتي اقراو اتعبو عام برك انساو كلش ركزو غير على لقراية برك اقراو اقراو تنفعكم قرايتكم برك لي يحتاج اي حاجة اني هنا انا نحاول نعاونكم بالشي لي نقدر عليه