nono

6 مارس 2026

منقول من الأستاذ بوسيف - ProfBoucif على اليوتيوب مادللش عقلك حتى يولي حرف مايقدرش يحفظوا، وتولي من جماعة عقلي الصغير لا يتحمل ..(يا عمري على الكبيدة) .. الله عزوجل اعطاك عقل احسن من معالج الحاسوب CPU i9 10900K .. ماتخافش على عقلك اعطيه فترة راحة فقط بين كل 30 دقيقة وأخرى، الرياضيات في رايي تقراها صباح وفي الليل (ليس في وقت متأخر جدا) صباح محور ولعشيا محور(يكون قدامك ملخصك) وابدا في حلّ التمارين، اضرب ونضرب، المتعة الحقيقية كي توصل للحل الصحيح .. ويرحم واليدك ماتبعش الي يقولك اسمع ماتفورصيش رح تهبل، ياو رح تندب ماشي تهبل، اقرى كيما تحب ودير واش يريحك،العلماء باش وصلوا وين راهم ماوصلوش ب 8 ساعات قرايا في النهار من اللخر، اقرى واخدم والي يجي يندب عند راسك ابلوكيه وارمي عليه الما، بعد 5 سنين نفس الشخص الي كان يقولك ماتقدرش يجي يقولك ايييه لوكان فورصيت راك نجحت، يا وجه البطاطا كي كان يفورصي علاش كنت عند راسو تقولو ماتفورصيش .. هاذو هوما العباد دايرين هكا .. المهم يشوفك فاشل .. فورصي وخليها تروح وين راحت، مراحش تموت، واذا مت راك شهيد طلب العلم، خيرمن تعيش تحت قهر الندم وكلام الناس .. مي ماتبداش تقولي كرهت وعييت والعبارات الرومنسية هاذيك، ويجي صاحبك يقولك صح راك تبان عيان، ماتهبلينش .. ماتعياش ماتخليش عقلك يحشيهالك، ارقد 6 ساعات، يبقاولك الساعات الاخرى، 1ساعة قيلولة ويربح رابح، اقرى وكول الكراس هذاك كولو يا محاينك رح تروح تقرى طب وتولي تشوف الخبيش تاع الصح، تولي ترقد 2 ساعات وتتفكر قرايتك الباك تولي تضحك على سذاجتك .. ربي يوفق الجميع، والسلام عليكم ✌️