BAC Students
السلام عليكم ورحمة الله تعالى وبركاته🌺🌼 هاذي الاخطاء الي درتها في عامي الاول تاع الباك💮🤍 محضرتش مصادري بدقة الي نستمر عليها في العام كامل يعني كنت نعتمد عشوائيا يعني خاوتي هاذي افضل وقت باه تخضروا فيه مصادركم الي رايحين تقرو فاها عام كامل✔️✨ استهونت في مادة الرياضيات كنت حسبتها ساهلة مع اني كنت ممتازة فاها بمعنى اخر(داني الغرور) هنا ننصحكم اي مادة ممتازين فاها متخلوهاش تروح في الريح✔️✨ ماتعلمتش منهجيات الفسلفة كما يجب يعني كنت نخفظ برك المقالات وهذا اكبررر خطأ الفلسفة منهجيات تاعها لازم تتمكنوا فاها ✔️✨ بلاك هذا اكبر خطأ اني زدت في وتيرة الدراسة يااااسر خاصة في عطلة الشتاء يعني لحقت نقرا 20 ساعة في النهار هذا الي خلاني في الفصل الثاني نتعب ومانقدرش نكمل لهذا ننصحكم الراحة واجبة وماتفوورصوش على رواحكم✔️✨ الخووف تقدروا تقولوا هو الي خلاني نعاود الباك مع اني كنت قادرة نديه تخيلوا في الباك نسيت واش قريت وناقدرتش نهدا ابدا بسبة الخوف والقلقة تعلموا تنحوه حاولوا تاخدوا قسط واااف من النوم يعني ماترقدش اقل من 8 سوايع وماترقدش اكثثر من 8 سوايع ماكش عجينة باه تخمر بالنوم🙂✔️✨ ان شاء الله تاخذوهم يعبن الاعتبار واي سؤال اسألوه باذن الله نعاونكم والي يقولوا نصايح تاعك منين تجيبيهم ماعندي منين نجيبهم هاذو من تجربة وربي يوفقكم ❤🎀