BAC Students
بالنسبة لمادة الشريعة🕋📿 : 🍄_الحاجة المهمة_ أنكم لازم كل درس تفهموه مليح منبعد تحفظوا (لأنو قادر يجيبلك موضوع يعتمد بزاف على الفهامة ونتا تكون حافظ صافي متقدرش تحلو 🥲🌱) 🍄_الدروس بزاف شابين و فيهم متعة انا كنت مع البداية حاكمة روحي مليح مع الأستاذة لكن مين فات الفصل الأول فاتتني بزاااف دروس وبديت انا نجري وهيا تجري ولحق مارس وانا عاد فالدرس الثامن 💔🥲(متغلطوش غلطتي 🚫) 🍄_منبعد قلت الشريعة علاه منديرلهاش ساعة كل يوم نحفظ ونراجع المحفوظ ؟!. 🍄_رحت طبعت الدروس لي نحتاجهم من كتاب الأستاذة بوسعادي وبديت نحفظ منو (صراحة كنت نبكي بزاف مين نلقى روحي نسيت 🥺😂💔ونغلق الكراس ونقول ساي انا مقدرتش ) 🍄_منبعد لحقت وحد الدروس صعبة شوية برك مثلا درس الميراث والربا يعني تحتاج شرح تع أستاذ رحت عند الأستاذ موسلي بارك الله فيه وفهمتهم بطريقة ساهلة بزاف وممتعة 😇🌿(حتى الأستاذة بوسعادي أستاذة ماشاء الله لي يحب يفهمهم عندها🌻) 🍄_كملت فهم الدروس وكنت تاني ندير مرة على مرة نراجع (متفوتوش 3أيام هكا خير باسكو تحسو رواحكم تنساو منبعد نخاف تبكو كيفي🥲😂 ) _🍄غلطت غلطة _🚫 _أني محليتش بزاف مواضيع 🍄_مين بقا شهر قلت لازم نحل مواضيع رحت وحليت مواضيع(صراحة مشي تع باك لكن مهمة بزاف أنكم تحلو تع لي باك) 🍄_شوفو نصيحة من عندي إحفظوا كامل الدروس 🙂🔪 والحمد لله الذي بنعمته تتم الصالحات جبت 18٫5 فالباك تع الشريعة 💗 🍄_وبالتالي أفضل حاجة درتها أني فهمت الدروس مليح وحليت مواضيع 😇🌵