سيلينا ||🌵𝓢𝓔𝓘𝓔𝓝𝓪

25 ديسمبر 2025

هااااي، إن شاء الله تكونو كامل بخير وقلوبكم هانية 🤍 حبيت نهدر على عفسة لاحظتها عند زميلاتي نتاع القسم وبزاااف تان… كل شوي نلقاهم يشكيو موصلتش، معرفتش، تعبت، مقدرتش، الظروف، الحظ، الناس… بصح سؤال واحد اسكوو راكم تسيوو تبدلو من وضعكم هدا؟؟؟ بدل ما تستغلو وقتكم تقراو حاجة تفيدكم، تطورو من رواحكم،وتراجعو أهدافكم… نلقاكم تشكيو الشكوى لغير الله مذلّة ملخر، وما تزيدكم غير وجع قلب وطاقة سلبية والله. قولولي وش الفايدة كي تبقاو تحطّبو في رواحكم وفي غيركم؟ كي تبقا تقول أنا فاشل، أنا معنديش كامل الزهر. أنا ما نقدرش…راكم غير تثبتو هاد الفكرة في عقولكم، منبعد تقولولي علاه حياتكم ما تتبدلش؟ Know عقلكم هو أكبر عدو ولا أكبر حليف ليكم…وهد شي يرجع ليكم طبعا!! الحياة ما تعطي حتى واحد كلش بالساهل، كاملنا نتعبو، كاملنا نطيحو، كاملنا نبكيو في لحظات ضعف…بصح الفرق بين واحد ينجح وواحد يبقى واقف في بلاصتو هو لي يطيح ويقول نتعلم ونعاود نوقف عادي. وللي يطيح ويقول خلاص، هذا قدري منزيد ندير حتى خطوة. دير فبالك راك مسؤول على حياتك، على مستقبلك، على أحلامك.... ما كان حتى واحد راح يجي يبدل وضعك بلا ما تتحرك.حتى الدعاء لازم معاه سعي،ربي يحب اللي يسعى ويجتهد، مشي اللي غير يشكي ويسنى المعجزة.خلي الشكوى تقلب لدعاء،وخلي الهدرة السلبية تقلب لأفعال،وخلي وقتك يروح لحوايج تزيدك، ما تنقصكش. وما تقارنش روحك بغيرك، كل واحد ورحلتو، كل واحد ووقتو.نتا غير ركز على روحك لازم اليوم تكون خير من البارح، وغدوة خير من اليوم. Jst حب روحك و آمن بقدرتك، وكون متأكد راك أقوى مما تتصور، وقادر أكثر مما تتخيل،وربي ما يضيع حتى تعب. حبّوا الخير لرواحكم،وما تخلوش الشكوى تسرق منكم الأمل 💗🫶🏼🫶🏼